ഷാണ്‍മാതുരസ്തവം

1         

ഗൗരീസഹായ സുഹൃദൂരീകൃതാവയവ,

ഭൂരീഷു വൈരിഷു തമ-

സ്സൂരീകൃതായുധ നിവാരീതദോഷ നിജ-

നാരീകലാലസമനഃ

ക്രൂരീഭവത്തിമിരചാരീഹിതാപദുര

നീ നീതിസൂരി കരുണാ-

വാരീണ, വാരിധര, ഗൗരീകിശോര, മമ

ദൂരീകുരുഷ്വ ദുരിതം.

2         

മല്ലീകൃതത്രിദശമല്ലീ,സദാ സുദതി

വല്ലീകുചാങ്കണലസത്

സല്ലീനകുങ്കുമരസോല്ലീനവത്സ, യുധി

ഭല്ലീസ്മയോളസി ദിതിജൈഃ

സ്ഫുല്ലീകുരുഷ്വ സ ച വല്ലീതശോഥിതല,

വല്ലീവിലോല, ബുധഹൃദ്-

വല്ലീനിവാസ, മമ സോല്ലീന, കേകിഹയ,

സല്ലീലപാഹൃദുദജം.

3         

പ്രാണീകൃതസ്വനഖരാണീതഭക്തജന-

വാണീശമുഖ്യസുമന-

ശ്ശ്രേണീ, സുജാനുതലതൂണീ തമാലതിമി-

രാണീലചൂചുകഭരാ

വാണീവിലാസമളിവേണീ, വിപഞ്ചിമൃദു-

വാണീ, തവാംഗരമണീ

ശ്രോണീഘനാ, സുമതി, ശാണീതനോതു ഭൃശ-

മേണീവിശാലനയനാ.

4         

രാഗാഭിഷിക്ത നിജകേശാദിപാദ വപു-

രാശാപിശാചദഹനാ

ശ്രീശാതകുംഭനിഭ പാശാങ്കുശാഭരണ-

നാശാന്തകാനുചര! ഭോഃ

ഭീശാഡ്വലാഹരണഗോശാബകാവനത-

കോശാധിപാശു ഭഗവന്‍

പാശാടവീദവ ഹുതാശാശയാവപിശി-

താശാ ഹി ഭോഗഭുഗമും.

5         

സന്താപസന്തതിനിശാന്താവസന്തമയി

കാന്തായുഗാന്തരരതേ,

കിന്താവകേ ഹൃദി നിതാന്താകുലാശയമ-

ഹന്താനപേതമവിതും

കിന്താമസം ഭവസി, ചിന്താമണീരുചിര

സന്താനപാദപദവ-

ശ്ചിന്താധുതാന്തരുജമന്താദിഹീന കുരു

മാന്താവകീന ഭജനം.

6         

സീമാവിഹീനഗുണ സോമാവചൂഡ ജിത-

കാമാഭിമാന സുമതേ!

ഭൂമാധവാദിനുത ഭൂമാസമാന,പുര-

കാമാന്ധകാന്തക ഗുരോ

നാമാളിജാപിജന കാമാവസാനഫല,

ദാമാശമാതനു വിഭോ,

ഹേമാരുണാ,ഹിതനികാമാതിഭീമ, ഗുഹ

സാമാദി വേദവിദയം.

7         

വേദാനുഗീതനുത പാദാരവിന്ദയുഗ-

മാദായ സേവനവിധേ-

രാദാവമും സരസമാദാതുകാമ, ശുഭ-

കേദാരകേളിനിലയേ,

താദാത്മ്യലീനമതിസാദാപനോദ,സക-

ലാദാനദൈവതതരോ

ഭൂദാസകല്പലതികോദാരദാമ, കുരു

മോദാംബുരാശിവസതിം.

8         

കിഞ്ചാസുരദ്വിരദപഞ്ചാനന പ്രണവ-

സഞ്ചാരിഹംസസമനേ

കിഞ്ചാപലന്നമന, തുഞ്ചാനുജീവി മമ

സിഞ്ചാമൃതാഭ കൃപയാ

പഞ്ചാനനപ്രണയ കഞ്ചാപി ശാസി കതി

മുഞ്ചാശു ബദ്ധകമതിം

പഞ്ചാശുഗാരിസുര പഞ്ചാനനാത്മജ-

മിമഞ്ചാപി പാഹി സതതം.

9         

കാലായ ശീതരുചിബാലാവചൂഡ, ശുഭ-

ശീലാവധൂതദുരിത

ശ്രീലാഘമീവരദ ലീലാ ഹി വാരിസഖ

ബാലാശയാശയശുചേ!

കാലാനലോപമിത ഫാലാവലോകനക

വേലായുധോ മഹതി കോലാഹലാരവ സു-

ലീലാ തനോതു കുശലം.