വിനായകാഷ്ടകം 

നമദ്ദേവവൃന്ദം ലസദ്വേദകന്ദം

ശിരഃശ്രീമദിന്ദും ശ്രിതശ്രീമുകുന്ദം

ബൃഹച്ചാരുതുന്ദം സ്തുതശ്രീസനന്ദം

ജടാഹീന്ദ്രകുന്ദം ഭജേഽഭീഷ്ടസന്ദം.       1

കിലദ്ദേവഗോത്രം കനദ്ധേമഗാത്രം

സദാനന്ദമാത്രം മഹാഭക്തമിത്രം

ശരച്ചന്ദ്രവക്ത്രം ത്രയീപൂതപാത്രം

സമസ്താർത്തിദാത്രം ഭജേ ശക്തിപുത്രം.       2

ഗളദ്ദാനമാലം ചലദ്ഭോഗിമാലം

ഗളാംഭോദകാലം സദാ ദാനശീലം

സുരാരാതികാലം മഹേശാത്മബാലം

ലസത്പുണ്ഡ്രഫാലം ഭജേ ലോകമൂലം.       3

ഉരസ്താരഹാരം ശരച്ചന്ദ്രഹീരം

സുരശ്രീവിചാരം ഹൃതാർത്താരിഭാരം

കടേ ദാനപൂരം ജടാഭോഗിപൂരം

കലാബിന്ദുതാരം ഭജേ ശൈവവീരം.       4

കരാരൂഢമോക്ഷം വിപദ്ഭങ്ഗദക്ഷം

ചലസ്സാരസാക്ഷം പരാശക്തിപക്ഷം

ശ്രിതാമർത്ത്യവൃക്ഷം സുരാരിദ്രുതക്ഷം

പരാനന്ദപക്ഷം ഭജേ ശ്രീശിവാക്ഷം.       5

സദാശം സുരേശം സദാ പാതുമീശം

നിദാനോദ്ഭവം ശാങ്കരപ്രമകോശം

ധൃതശ്രീനിശേശം ലസദ്ദന്തകോശം

ചലച്ഛൂലപാശം ഭജേ കൃത്തപാശം.       6

തതാനേകസന്തം സദാ ദാനവന്തം

ബുധശ്രീകരന്തം ഗജാസ്യം വിഭാന്തം

കരാത്മീയദന്തം ത്രിലോകൈകവൃന്തം

സുമന്ദം പരന്തം ഭജേഽഹം ഭവന്തം.       7

ശിവപ്രമപിണ്ഡം പരം സ്വർണ്ണവർണ്ണം

ലസദ്ദന്തഖണ്ഡം സദാനന്ദപൂർണ്ണം

വിവർണ്ണപ്രഭാസ്യം ധൃതസ്വർണ്ണഭാണ്ഡം

ചലച്ചാരുശുണ്ഡം ഭജേ ദന്തിതുണ്ഡം.       8